काठमाडौं – च्यासल अवस्थित एमालेको मुख्य कार्यलयमा बाढी पसेको छ। निरन्तर परेको वर्षाले राजधानी काठमाडौंको बागमती नदी किनारका बस्तीहरू डुबानमा परेका छन्। नेकपा एमालेको भाडाको मुख्यालयसहित मनोहरा र हनुमन्ते खोलामा आएको बाढीले सयौँ घर डुबाएको छ। यो वर्षमात्र तेस्रो पटक एमालेको मुख्यालय च्यासलमा बाढीबाट प्रभावित भएको हो।
बाढीको कारण बागमती नदीका दुवै किनारका सडकहरू पूरै जलमग्न भएका छन्। यसपालि आएको बाढीको प्रवाह अघिल्ला वर्षा याममा देखिएका बाढीहरूभन्दा निकै ठूलो भएको स्थानीय बासिन्दाहरू बताउँछन्। बाढीको खतरा अझै टरिनसकेको बताइएको छ, किनकि अविरल वर्षा जारी रहेकाले बाढी थप बढ्न सक्ने अनुमान गरिएको छ।
बाढीका कारण बागमती किनारका बस्तीहरूसँगै हजारौं मानिस प्रभावित भएका छन्। बस्तीहरूमा रहेको जलस्तर तीव्र रूपमा बढ्दा घरहरूमा पानी पसेको छ, जसले गर्दा धेरै मानिसहरूले सुरक्षित स्थानतिर सर्नुपरेको छ।
प्रतिक्रिया
सम्बन्धित खवर
