प्रधानमन्त्री केपी शर्मा ओलीले दल विभाजन सम्बन्धी अध्यादेश आफूले ल्याउन नचाहेको बताएका छन्। माओवादी केन्द्रका अध्यक्ष पुष्पकमल दाहाल ‘प्रचण्ड’ सहित प्रतिपक्षी दलका नेताहरुसँगको भेटमा ओलीले यस्तो स्पष्टीकरण दिएका हुन्।
प्रतिपक्षी दलका नेताहरुले बाढी पहिरोका पीडितहरुलाई राहत दिने विषयमा ज्ञापनपत्र बुझाउन गएको क्रममा प्रचण्डले सरकारले दल विभाजनका लागि अध्यादेश ल्याउन खोजेको आरोप लगाएका थिए।
जवाफमा ओलीले आफूले यस्तो कुनै अध्यादेश ल्याउन नचाहेको र त्यस्तो प्रस्ताव नरहेको बताए। ओलीले भने, “हिजो तपाईंहरुले त्यस्तो अध्यादेश ल्याउनु भएको थियो। त्यसैले तपाईंहरुलाई अध्यादेश आउँछ भन्ने लागेको होला। तर, म ल्याउँदिनँ।”
यो भनाइले दल विभाजनको विषयमा चलिरहेको छलफललाई अन्यत्रै मोड दिएको छ, जहाँ सरकारको नियत र क्रियाकलापलाई लिएर प्रतिपक्षी दलले आलोचना गरिरहेका छन्।
प्रतिक्रिया
सम्बन्धित खवर
