बलिउड अभिनेत्री मलाइका अरोराका पिता अनिल अरोराले २०२४ सेप्टेम्बर ११ मा मुम्बईको बान्द्रास्थित भवनको सातौं तलाबाट हाम फालेर आत्महत्या गरेका छन्।
यो घटनाले मलाइका अरोरा र उनको परिवारलाई गहिरो शोकमा डुबाएको छ। स्थानीय प्रहरी र अनुसन्धान टोली घटनास्थलमा पुगेका थिए र प्रारम्भिक अनुसन्धान अनुसार यो आत्महत्या भएको पुष्टि भएको छ। शवलाई पोस्टमार्टमका लागि पठाइएको छ, र घटना कसरी घट्यो भन्ने थप अनुसन्धान भइरहेको छ।
मलाइकाका पूर्वपति अरबाज खान पनि यो दु:खद घडीमा मलाइकाको साथमा देखिएका थिए। बलिउड समुदायले यस घटनामा शोक व्यक्त गर्दै परिवारप्रति समवेदना प्रकट गरेका छन्। मलाइकाले हालसम्म सार्वजनिक रुपमा कुनै प्रतिक्रिया दिएकी छैनन्।
प्रतिक्रिया
सम्बन्धित खवर
