गोकर्णेश्वर नगरपालिकाले नयाँ भवनसहितको नगरअस्पताल उद्घाटन गरेको छ, जसले स्थानीय बासिन्दालाई थप स्वास्थ्य सेवा पुर्‍याउन महत्वपूर्ण योगदान दिने अपेक्षा गरिएको छ। शुक्रवार आयोजित कार्यक्रमका प्रमुख अतिथि नगरप्रमुख दीपककुमार रिसाल र विशिष्ट अतिथि उपप्रमुख सान्नानी लामाले संयुक्त रूपमा भवनको उद्घाटन गरे।

उद्घाटन समारोह वडा नं. ४ का अध्यक्ष जयराम महतको सभापतित्वमा सम्पन्न भएको थियो, जसमा प्रमुख प्रशासकीय अधिकृत याम नारायण गौलीको विशेष आतिथ्यता रहेको थियो। यस कार्यक्रममा विभिन्न वडाध्यक्षहरू, वडा सदस्यहरू, र अन्य स्थानीय प्रतिनिधिहरूको उपस्थिति रहेको थियो, जसले नगरपालिकाको यो कदमलाई स्वास्थ्य सेवामा एक महत्वपूर्ण फड्कोका रूपमा व्याख्या गरेका छन्।कार्यक्रममा गो.न.पा ६ का वडा अध्यक्ष नवराज लामा, गो.न.पा ८ का वडा अध्यक्ष नन्दलाल श्रेष्ठ, गोनपा ३ का वडा अध्यक्ष मुरारी प्रसाद कुइकेल, तथा वडा सदस्यहरु गौरी श्रेष्ठ, राजेश श्रेष्ठ, प्रेम बहादुर खड्का, लक्ष्मी गुरुङ, श्रीकृष्ण कारञ्जित, उमेश चालिसे, मञ्जु पुडासैनी, गमला परियार, सुनिता परियार, सुनिल कुमार गिरी र सचिन लामाको उपस्थिति रहेको थियो।

उक्त भवनले स्वास्थ्य सेवा सुधार गर्न मात्र नभई गोकर्णेश्वर नगरपालिकालाई स्वास्थ्य क्षेत्रको सुदृढीकरणमा एक सशक्त सन्देश दिने विश्वास गरिएको छ। अस्पतालका प्रमुख डा. सिर्जना पाण्डेय र स्वास्थ्य शाखा प्रमुख हरिप्रसाद उपाध्यायको समेत यस कार्यक्रममा उपस्थिति रहनुले स्वास्थ्य सेवाको सुदृढीकरणमा सबै पक्षहरूको प्रतिवद्धता प्रस्ट पारेको छ।

कार्यक्रममा विभिन्न वडाका अध्यक्षहरू र कार्यपालिका सदस्यहरूको सहभागिताले अस्पतालको भविष्यको योजना र विकासको महत्त्वलाई थप उजागर गरेको छ।