भेनिस, इटाली — प्रख्यात अभिनेत्री एन्जेलिना जोलीले हालै भेनिस फिल्म महोत्सवमा आफ्नो नयाँ फिल्म “मारिया” को प्रिमियरमा उपस्थिति जनाइन्। यो फिल्ममा जोलीले विश्वप्रसिद्ध अपेरा गायिका मारिया कालासको भूमिका निर्वाह गरेकी छिन्। यद्यपि, उनको उत्कृष्ट प्रदर्शनको सराहना भइरहेको भए पनि महोत्सवमा उपस्थित दर्शक र सामाजिक सञ्जाल प्रयोगकर्ताहरूको ध्यान उनको शारीरिक स्थितिमा खिचियो।

सोशल मिडियामा जोलीको अत्यन्त दुब्लो शरीर र नशा देखिने हातको तस्बिरहरू व्यापक रूपमा साझा गरिए, जसले उनका प्रशंसकहरूलाई उनको स्वास्थ्यको बारेमा प्रश्न उठाउन बाध्य बनायो। धेरैले उनको शरीरको अवस्थालाई लिएर चिन्ता व्यक्त गर्दै, विगतका एनोरेक्सियासम्बन्धी अफवाहहरूको चर्चा गर्न थालेका छन्। यतिमात्र होइन, जोलीका छोराछोरीसमेत उनको खानपान प्रति चिन्तित रहेको रिपोर्ट गरिएको छ।

यसैबीच, जोलीका पूर्व श्रीमान् ब्राड पिट पनि महोत्सवमा आफ्नो नयाँ प्रेमिका इनिस डे रमोनसँग देखिए, जसले सामाजिक सञ्जालमा जोली र रमोनको तुलना गर्न प्रेरित गर्यो। यी दुईको उपस्थितिले धेरै चर्चा पाएको छ भने केहीले पिटको नयाँ सम्बन्धलाई लिएर मिश्रित प्रतिक्रियाहरू दिएका छन्।

एन्जेलिना जोलीको स्वास्थ्य र व्यक्तिगत जीवनलाई लिएर उठेका यी चर्चाहरूले उनको अभिनय क्षमता र योगदानमाथि प्रश्न नगरे पनि, उनको शारीरिक अवस्थाले फ्यानहरूको ध्यान खिच्नु भने अवश्यै गम्भीर विषय बन्न पुगेको छ।