काठमाडौँ, २०८२ कार्तिक २२
नेपाली कम्युनिष्ट पार्टी (नेकपा) ले पार्टीका संयोजक पुष्पकमल दाहाल ‘प्रचण्ड’को अध्यक्षतामा आज पेरिसडाँडामा बसेको बैठकले संगठनात्मक एकता सुदृढ पार्ने र आगामी निर्वाचन तयारीलाई तीव्रता दिने निर्णय गरेको छ।

पार्टी प्रवक्ता अग्नि प्रसाद सापकोटाले जारी गरेको प्रेस नोट अनुसार बैठकले तीन बुँदे निर्णय गरेको छ। निर्णय अनुसार, सबै प्रदेशमा ‘एकता सन्देश सभा’ कार्यक्रम सञ्चालन गर्ने, घोषीत निर्वाचनको तयारीलाई व्यवस्थित र प्रभावकारी रूपमा अभियानका रूपमा अगाडि बढाउने, र पार्टी अन्तर्गतका जनवर्गीय संगठन, मोर्चा तथा सहयोगी संगठनहरूलाई पार्टीसँग समन्वय गरी जनपरिचालन गर्न निर्देशन दिइएको छ।

पार्टीले यी कार्यक्रमहरू मार्फत संगठनभित्र एकता सुदृढ पार्दै आगामी राजनीतिक गतिविधिलाई प्रभावकारी बनाउनका लागि तयारी थाल्ने जनाएको छ ।