काठमाडौ :  कलाकार सुलेमान शंकर, जसलाई ‘ईकु’ नामले पनि चिनिन्छ, विभिन्न व्यक्तिहरूसँग युरोप पठाउने भिषाको प्रलोभन देखाई मोटो रकम ठगी गरेको आरोपमा पक्राउ परेका छन्। नेपाल प्रहरीको केन्द्रीय अनुसन्धान ब्युरो (सीआईबी)ले उनलाई पक्राउ गरेको हो।

शंकरमाथि कलाकारहरूको नाममा युरोपका विभिन्न देशहरूमा लैजाने आश्वासन दिएर ठगी गरेको आरोप लागेको छ। प्रारम्भिक अनुसन्धानमा थुप्रै व्यक्तिहरूसँग लाखौं रकम असुलेर उनी फरार रहेको खुलेको छ। सीआईबीको अनुसार, ठगिएका पीडितहरूले यसबारे उजुरी गरेपछि छानबिन थालिएको थियो उनलाई हातिगौडाबाट सीआईबीले पक्राउ गरेको हो।

सुलेमान शंकर नेपाली मनोरञ्जन उद्योगमा लोकप्रिय हास्य कलाकार हुन्। उनले हास्य टेलिश्रृंखला मेरी बास्सैमा ‘ईकु’ को भुमिकाबाट  दर्शकमाझ ठूलो ख्याति कमाएका थिए। तर, पछिल्लो समय उनी विवादमा तानिएका छन्।

सीआईबीले उनलाई कानुनी कारवाहीको प्रक्रिया अगाडि बढाएको छ। थप अनुसन्धानबाट ठगीको वास्तविक परिमाण र यसमा संलग्न अन्य व्यक्तिहरूको पहिचान गरिनेछ।

                    थप समाचारका लागि अपडेटहरू जारी रहनेछन्।