काठमाडौं : काठमाडौंको नक्सालमा रहेको टेस्ला शोरूममा शुक्रबार बिहान आगलागी भएको छ। आगलागीको खबर पाएपछि प्रहरी र दमकलको टोलीले घटनास्थलमा पुगेर आगो नियन्त्रणमा लिएको छ। प्रहरी बृत्त मालिगाउँका डीएसपी इन्द्र सुवेदीका अनुसार आगलागीका कारण शोरूमको पहिलो र दोस्रो तल्लामा क्षति पुगेको छ, तर शोरूममा राखिएका गाडीहरू भने सुरक्षित छन्।
डीएसपी सुवेदीले आगलागीको कारणबारे अनुसन्धान भइरहेको र थप विवरणहरू संकलन भइरहेको जानकारी दिएका छन्। यद्यपि, आगलागीका कारण ठूलो मानवीय क्षति भने भएको छैन। शोरूममा विद्युतीय सामग्री र अन्य संरचनामा क्षति पुगेको र यसबारे बृहत् अनुसन्धान भइरहेको प्रहरीको भनाइ छ।
आगलागीको घटनाले स्थानीयवासीहरूलाई केही समय तनावमा पारेको थियो भने आगो निभाउन दमकलले समयमै नियन्त्रणमा लिएकाले ठूलो क्षति हुनबाट जोगिएको छ।
प्रतिक्रिया
सम्बन्धित खवर
