काठमाडौंको गोकर्णेश्वर नगरपालिका–६, नयाँ बस्तीमा मंगलबार एक व्यक्तिको कुटपिट गरेर हत्या गरेको आरोपमा तीन जना पक्राउ परेका छन्। प्रहरीले पक्राउ गरेका व्यक्तिहरूमा ३८ वर्षीय अमृत मगर, ३५ वर्षीय भुवन श्रेष्ठ, र २७ वर्षीया विमला भट्टराई रहेका छन्।
पीडित, ४३ वर्षीय होमबहादुर फौजामगर, सुर्खेतका स्थायी बासिन्दा हुन् र हाल कागेश्वरी मनोहरा नगरपालिका–९ मा बस्दै आएका थिए। उनी मंगलबार अपराह्न ३:२० बजे नयाँ बस्तीस्थित लस लाइट स्कुल नजिकै अचेत अवस्थामा फेला परेका थिए। उनलाई उद्दार गरी नारायणटारस्थित शंखरापुर अस्पताल पुर्याइए पनि चिकित्सकहरूले मृत घोषित गरेका थिए।
प्रहरीले प्रारम्भिक अनुसन्धानमा विभिन्न व्यक्तिहरुले फौजामगरलाई कुटपिट गरेको खुलासा गरेको छ। घटनामा संलग्न भएको आरोपमा प्रहरीले ती तीनजनालाई नियन्त्रणमा लिएको छ र थप अनुसन्धान जारी रहेको छ।
प्रतिक्रिया
सम्बन्धित खवर
