बुढानिलकण्ठ नगरपालिका वडा नं २ बदेलीमा खानेपानीको समस्या स्रुजना हुनेगरि खोला नै पुर्ने दुस्साहस गरेका छन । विभिन्न रिपोर्ट र स्थानीय जनताको गुनासोअनुसार, भूमाफियाले खोलानालाहरूलाई ढलान गरेर बाटो बनाउने र त्यसपछि ती क्षेत्रहरूलाई प्लटिङ गरेर करोडौं कमाउने धन्दा चलाइरहेको स्थानियहरुले गम्भीर आरोप लागेको छ । यो सबै प्रक्रियाले नगरपालिकाको कानुनलाई उल्लंघन गर्दै गरेको देखिन्छ, जसले वातावरणीय समस्याको साथै स्थानीय जनताहरूको खानेपानी प्रयोग गर्ने अधिकार हनन भएको टिप्पणी गर्ने थालिएको छ। नेपालमा जनताद्वारा खानेपानी पिउने अधिकार संविधानको धारा ३५ मा समेटिएको छ। नेपालको संविधान, २०७२ को धारा ३५ को उपधारा ४ मा ‘खानेपानी र स्वच्छतामा पहुँच हरेक नागरिकको आधारभूत अधिकार हो’ भनी स्पष्ट रूपमा उल्लेख गरिएको छ। यसले जनतालाई स्वच्छ, सुरक्षित, र सुलभ पानी पिउने अधिकारको प्रत्याभूति दिन्छ।

सबैभन्दा ठूलो चिन्ताको विषय भनेको यसले खानेपानीको अभाव सिर्जना गरिरहेको छ। खोलालाई पुर्ने र ढलान गर्दा वातावरणिय असर त पर्छ नै स्थानीय पानीको स्रोतहरू सुक्दै गएका छन्, जसका कारण धेरैले खानेपानी अभावको सामना गरिरहेका छन्। स्थानीय जनता र बासिन्दाहरूले यस विषयलाई वडाकार्यालय र बुढानिलकण्ठ नगरपालिकामा जानकारी गराइसकेको भए पनि, सम्बन्धित निकायले यस विषयमा खास कदम चाल्न सकेका छैनन्। यसरी गरिएको अवैध खोलानाला ढलान र प्लटिङले स्थानीय समुदायलाई पर्ने प्रत्यक्ष असरलाई उजागर गर्नु महत्त्वपूर्ण छ। यो गतिविधि न केवल कानूनी रूपमा गलत छ, तर यसले वातावरणीय असन्तुलन निम्त्याउने, पानीको स्रोत सुकाउने, र स्थानीय बासिन्दाहरूको आधारभूत अधिकार हनन गर्ने कार्य पनि हो। संविधानको धारा ३५ अनुसार, प्रत्येक नागरिकलाई स्वच्छ र सुरक्षित पानी पिउने अधिकार रहेको उल्लेख छ, तर यस्ता गतिविधिले यो अधिकारलाई चुनौती दिएको छ।

सम्बन्धित निकायले कानूनी रूपमा कडा कदम चाल्न ढिलाइ गर्नु जनताको दैनिक जीवनमा गम्भीर समस्या उत्पन्न गर्ने कुरा स्पष्ट छ। यस्ता गतिविधिहरूको छानबिन गरेर दोषीलाई कारबाही गर्नु र अवैध प्लटिङको अन्त्य गर्न सरकार र जनप्रतिनिधिहरूले तत्काल प्रभावकारी कदम चाल्नुपर्ने देखिन्छ।

यो वातावरणीय गम्भीर समस्याका साथै जनताको आधारभूत अधिकार समेत हनन हुने हुँदा सम्बन्धित निकायहरु स्थानिय सरकारमा बूढानीलकण्ठ नगरपालिका र बूढानीलकण्ठ वडा नम्बर २ समेतले आवश्यक समस्याको समाधानका लागि कडा कदम चाल्न आवश्यक देखिन्छ ।बुढानिलकण्ठ नगरपालिकाको विकास र समृद्धिको सपना भूमाफियाको अवैध धन्दाले नराम्ररी प्रभावित भएको छ। यस्तो अवस्थामा जनप्रतिनिधि र सरकारी अधिकारीहरूले तत्काल प्रभावकारी कदम चालेर यस समस्या समाधान गर्नुपर्ने देखिन्छ।