राष्ट्रिय मुक्ति क्रान्तिका संयोजक राजेन्द्र महतोले मंगलबार औपचारिक रूपमा नयाँ राजनीतिक दल ‘राष्ट्रिय मुक्ति क्रान्ति नेपाल’ घोषणा गरेका छन्। पार्टीको विस्तारित बैठकपछि महतोले उक्त घोषणा गरेका हुन्, जसमा महतो नै अध्यक्ष हुने निर्णय गरिएको छ।
पार्टीलाई आगामी कात्तिक पहिलो साता निर्वाचन आयोगमा दर्ता गराउने तयारी भइरहेको महतोले जानकारी दिए।
महतो यसअघि लोसपा नेपालका प्रमुख नेतामध्ये एक थिए, तर गत फागुनमा पार्टीबाट अलग भई उनले ‘राष्ट्रिय मुक्ति क्रान्ति’को स्थापना गरेका थिए र विभिन्न अभियानहरू सञ्चालन गर्दै आएका छन्।
नयाँ पार्टीले मुलुकको राजनीतिक परिदृश्यमा नयाँ दिशा दिनसक्ने आशा गरिएको छ, विशेषगरी मधेस क्षेत्रको मुद्दालाई सम्बोधन गर्दै आएको महतोको नेतृत्वमा।
प्रतिक्रिया
सम्बन्धित खवर
