स्वास्थ्य मन्त्रालयले ६ महिनादेखि ५९ महिनासम्मका बालबालिकालाई भिटामिन ‘ए’ क्याप्सुल र १ वर्षदेखि ५ वर्षसम्मका बालबालिकालाई जुकाको औषधि खुवाउने अभियान सञ्चालन गर्दैछ। मन्त्रालयले यो अभियान आज र भोलि देशव्यापी रुपमा सञ्चालन गर्ने बताएको छ।
मन्त्रालयका अनुसार, बालबालिकाको स्वास्थ्यमा सुधार ल्याउन र विभिन्न रोगको रोकथाम गर्न भिटामिन ‘ए’ र जुकाको औषधि महत्वपूर्ण हुन्छ। यस अभियानलाई सफल बनाउन मन्त्रालयले नजिकैको महिला सामुदायिक स्वास्थ्य स्वयंसेविकामार्फत बालबालिकालाई औषधि खुवाउन अभिभावकहरूलाई आग्रह गरेको छ।
स्वास्थ्य मन्त्रालयको यस पहलले बालबालिकाको पोषण स्तर सुधार गर्न र उनीहरूलाई रोग प्रतिरोधात्मक क्षमता बढाउन सहयोग पुर्याउने अपेक्षा गरिएको छ।
प्रतिक्रिया
सम्बन्धित खवर
