कुकको बैदेशिक रोजगार मिलाइदिने भन्दै विदेश पुर्याउने व्यक्ति पक्राउ परेको छ। मौरिसस पुर्याएर मानव बेचबिखन गरेको अभियोगमा झापा कमल गाउँपालिका–१ का ५४ वर्षीय बुद्धिराज न्यौपानेलाई सोमबार प्रहरीले पक्राउ गरेको छ ।
पीडितले गत २० असारमा नेपाल फर्किएर उजुरी दिएपश्चात् मानव बेचबिखन अनुसन्धान ब्युरो बबरमहलले न्यौपानेलाई काठमाडौंको गोकर्णेश्वर नगरपालिका–७ गौरीघाटबाट पक्राउ गरेको हो । न्यौपानेले मासिक ७० हजार तलबमा ‘कुक’को काम लगाइदिने तथा काम गरेको केही समयपछि ‘ग्रिन कार्ड’ पाइने भनी प्रलोभन देखाएर मौरिसस पुर्याएको पीडितको उजुरीमा उल्लेख छ ।
पीडितबाट दुई लाख ५० हजार लिएको, १३ मंसिर ०८० मा भारतको नयाँदिल्ली हुँदै मौरिसस पुर्याई मौरिसियन नागरिकको जिम्मा लगाएको, दैनिक १७–१८ घन्टा घरको काम लगाई समयमा खान र तलबसमेत नदिएर चरम श्रम तथा यौनशोषण गरेको अनुसन्धानबाट खुल्न आएको प्रहरीले जनाएको छ । अभियुक् मानव बेचबिखन तथा ओसारपसार मुद्दामा काठमाडौं जिल्ला अदालतबाट पाँच दिन म्याद थपको अनुमति लिई प्रहरीले आवश्यक अनुसन्धान गरिरहेको छ ।
प्रतिक्रिया
सम्बन्धित खवर
