काठमाडौं, सातदोबाटो— एन्फा महिला लिग फुटबलमा आज विभागीय क्लबहरू एपिएफ र त्रिभुवन आर्मीबीच ठूलो प्रतिस्पर्धा हुने भएको छ। सातदोबाटोस्थित एन्फा कम्प्लेक्समा दिउँसो १ बजे सुरु हुने खेलमा दुबै टोलीले जित निकाल्न पूरा तयारी गरेका छन्। अखिल नेपाल फुटबल संघ (एन्फा) का अनुसार यो खेललाई लिगको महत्वपूर्ण भिडन्तको रूपमा हेरिएको छ।
हिजोको खेलमा नेपाल पुलिसले सुदूरपश्चिम प्रदेशलाई ९–० को फराकिलो अन्तरले पराजित गर्दै आफ्नो दबदबा कायम गरेको थियो। पुलिसका लागि निरु थापा र दीपा न्यौपानेले ह्याट्रिक गरे, जबकि पुजा राना, अनुश्का शेर्पा, र गिमकुमारी गुरुङले पनि एक–एक गोल थप्दै पुलिसको जित सुनिश्चित गरे।
हिजोको पहिलो खेलमा भने संकटा क्लब र चन्द्रपुर नगरपालिकाको महिला टोलीबीचको प्रतिस्पर्धा गोलरहित बराबरीमा टुंगिएको थियो।
प्रतिक्रिया
सम्बन्धित खवर
