काठमाडौँ – जुम्लाबाट प्रतिनिधित्व गर्ने सांसद ग्यानेन्द्र शाहीले जुम्ला, मुस्ताङ र हिमाली जिल्लामा उत्पादन हुने स्याउको प्रवर्धन र उपभोग गर्नु सबै नेपालीको कर्तव्य भएको बताएका छन्। सांसद शाहीले स्वदेशमै उत्पादित स्याउको खपतलाई बढावा दिएर कृषकहरूको आर्थिक अवस्थामा सुधार ल्याउन सकिनेमा जोड दिए।
शाहीका अनुसार, नेपालमा उत्पादन हुने स्याउको गुणस्तर उच्च छ, तर आयातित फलफूलको कारण स्वदेशी उत्पादनलाई प्रतिस्पर्धा गर्न कठिनाइ भइरहेको छ। “यदि हामीले हाम्रो देशमै उत्पादन भएको स्याउलाई प्राथमिकता दिएर उपभोग गर्यौं भने कृषकहरूको आम्दानी बढ्नेछ, र देशको कृषि क्षेत्रमा ठूलो टेवा पुग्नेछ,” शाहीले भने।
उनले स्थानीय स्याउ उद्योगलाई प्रवर्धन गर्ने नीति र योजनाहरूलाई सरकारको प्राथमिकतामा राख्नुपर्ने आवश्यकता पनि औंल्याए। शाहीले भने, “स्याउको गुणस्तर राम्रो हुनुका साथै यो स्वास्थ्यको दृष्टिले पनि लाभदायक छ। हाम्रो उत्पादनलाई हामी आफैंले सम्मान गर्नुपर्छ र स्वदेशमै खपत गर्नुपर्ने हो।”
सांसद शाहीको यो भनाइले कृषि क्षेत्रमा सुधार ल्याउन र कृषकहरूको आर्थिक सशक्तीकरणमा योगदान पुर्याउन सक्ने विश्वास गरिएको छ।
प्रतिक्रिया
सम्बन्धित खवर
