काठमाडौं — पछिल्ला तीन दिनमा विराटनगर भन्सार नाका हुँदै नेपालका लागि करिब ७ लाख किलो (७०० मेट्रिक टन) एलपी ग्यास आयात भएको जानकारी भन्सार कार्यालयले दिएको छ।उक्त ग्यास भारतबाट ट्यांकरमार्फत नेपाल भित्रिएको हो।

भन्सार श्रोतका अनुसार पछिल्लो समय खाना पकाउने ग्यासको माग उच्च रहेकाले आयातको मात्रा बढाइएको हो। बजारमा आपूर्ति सहज राख्न निरन्तर ग्यास भित्र्याइँदै आएको पनि उनले बताए।

नेपालमा घरेलु प्रयोगका लागि एलपी ग्यास सबैभन्दा बढी प्रयोग हुने इन्धनमध्ये एक हो। शहरी क्षेत्रमा अधिकांश घरपरिवार खाना पकाउन ग्यासमै निर्भर छन्। विभिन्न तथ्यांक अनुसार शहरी क्षेत्रमा करिब ८०–९० प्रतिशत घरधुरीले एलपी ग्यास प्रयोग गर्छन्, जबकि ग्रामीण क्षेत्रमा अझै पनि दाउरा र अन्य इन्धन प्रयोग हुने गर्छ।

नेपालमा एलपी ग्यास उत्पादन नहुने भएकाले झण्डै सम्पूर्ण ग्यास भारतबाट आयात गर्नुपर्छ।