काठमाडौं । हिन्दू धर्म शास्त्रमा उल्लेख गरिएअनुसार, भगवान गणेशको पूजा, अर्चना, र व्रत मंगलबारको दिन विशेष महत्व राख्छ। कुनै पनि शुभ कार्यको सुरुवातमा सबैभन्दा पहिले भगवान गणेशको पूजा गर्ने परम्परा छ। उनको कृपा बिना कुनै कार्य सफल हुँदैन भन्ने मान्यता रहेको छ। मंगलबार भगवान गणेशको सबैभन्दा प्रिय दिन मानिन्छ र यस दिन शुद्ध मनले पूजा गर्नाले सुख, शान्ति र समृद्धि मिल्ने धार्मिक विश्वास छ।

मंगलबार व्रत र पूजाको धार्मिक महत्व 

मंगलबार व्रत बसेर भगवान श्री गणेशको पूजा गर्ने परम्परा पुरातनकालदेखि चल्दै आएको छ। यस दिन व्रत बस्नाले मानिसको मनोकामना पूरा हुने धार्मिक विश्वास छ। शास्त्रमा भगवान गणेशको पूजा विधि १६ चरणमा गरिएको उल्लेख पाइन्छ, जसमा आह्वान, आसन, पाद्य, अर्घ, आचमन, स्नान, वस्त्र, गंध, पुष्प, अक्षता, धूप, दीप, नैवेद्य, तांबूल, द्रव्य दक्षिणा, आरती र परिक्रमा समावेश छन्। यो पूजाका क्रममा शुद्ध र एकाग्र मनले संकल्प लिनु महत्त्वपूर्ण मानिन्छ।

मंगलबारको दिनको विशेष पूजा 

सदियौंदेखि मंगलबार भगवान गणेशको पूजा गर्दा धेरै लाभ हुने धार्मिक विश्वास रहँदै आएको छ। पछिल्ला दिनहरूमा मंगलबार पूजा गर्ने भक्तजनहरूको संख्या पनि वृद्धि भइरहेको छ। मानिसहरू मंगलबारको दिन भगवान गणेशको कृपा प्राप्त गर्नका लागि व्रत बस्ने र आराधना गर्ने गर्दछन्। धार्मिक शास्त्रमा भनेको छ कि यस दिन शुद्ध मनले पूजा गरेमा भगवान गणेशले सबै समस्याहरू समाधान गर्ने र जीवनमा सुख, शान्ति, तथा समृद्धि प्राप्त हुने गर्दछ।

  मंगलबारको दिन बर्जित कार्य

धर्मशास्त्रअनुसार मंगलबार केही कार्यहरू गर्नु बर्जित मानिन्छ। मंगलबारको दिन कुखुरा वा अन्य पंक्षीको हत्या गर्नाले मानिसको बुद्धि भ्रमित हुने विश्वास छ। त्यस्तै, यस दिन माछा खाने वा मासु सेवन गर्दा आर्थिक नोक्सानी हुने धार्मिक मान्यता छ। साथै, मंगलबार मदिरा सेवन गरेमा क्रोधमा वृद्धि हुने र यसले सामाजिक तथा व्यक्तिगत जीवनमा नकारात्मक प्रभाव पर्ने विश्वास गरिन्छ।

मंगलबारको दिन भगवान गणेशको पूजा, व्रत, र साधना गर्नु लाभदायी हुन्छ भने बर्जित कार्यहरूबाट टाढा रहनु नै मंगलबारको महत्त्व हो।