काठमाडौं – त्रिभुवन अन्तर्राष्ट्रिय विमानस्थलको नागरिक उड्ड्यन प्राधिकरणले यात्रुहरूसँग खादा र माला नल्याउन विशेष अनुरोध गरेको छ। प्राधिकरणले बिहीबार एक सूचना जारी गर्दै यात्रुहरूलाई खादा र माला नलगाई विमानस्थलमा आउन आग्रह गरेको हो।

सुरक्षा जाँचका क्रममा खादा र मालाले विमानस्थलका विभिन्न उपकरणहरू जस्तै एक्सरे मेसिन, कन्भेयर बेल्ट र स्केलेटरमा अड्किएर बिग्रने समस्या देखिएकोले यो आग्रह गरिएको प्राधिकरणले जनाएको छ। यसले उपकरणहरूमा क्षति पु¥याउनुका साथै सुरक्षा प्रक्रियामा ढिलाइसमेत हुने भएकाले यात्रुले खादा, माला नलगाउन वा ब्यागमा पनि नल्याउन भनिएको छ।

प्राधिकरणले यात्रुहरूको सहकार्यले मात्र विमानस्थलको सुरक्षात्मक र प्राविधिक सेवा सुचारु र प्रभावकारी रूपमा चलाउन सकिने उल्लेख गर्दै यात्रुहरूलाई यस सूचनामा सहमतिका लागि आग्रह गरेको छ।

त्रिभुवन अन्तर्राष्ट्रिय विमानस्थलमा यात्रुको संख्यामा वृद्धि भएसँगै यस प्रकारको समस्या झन् बढ्न सक्ने अनुमान गरिएको छ।