बागमती प्रदेश सरकार उद्योग, पर्यटन, वातावरण मन्त्रालय वन निर्देशनालय डिभिजन वनकार्यालय, काठमाडौं गोकर्ण सव डिभिजन वन कार्यालयले बु.न.पा.१३ स्थित रहेको गाम्चा- कौडोल सडक खण्ड अन्तर्गत वन क्षेत्रमा वनाईएको छाप्रो / टहरा भत्काउने सम्वन्ध सूचना जारी गरिएको छ।

सुचनामा बु.न.पा.१३ स्थित रहेको पुतलीडाँडा सामुदायिक वन, रातमाटे सामुदायिक वन तथा भद्रकाली सामुदायिक वन र थानेडाँडा सामुदायिक वन भित्र पर्ने गाम्चा-चुनीखेल सडक खण्डको दाँयावाया वनक्षेत्र र सडक किनारमा रहेका खाली जग्गाहरुमा वन तथा सडकका जग्गा अतिक्रमण गरी अस्थाई छाप्रो / टहरा निर्माण कार्य धमाधम गरी सरकारी जग्गाहरुमा अनधिकृत रुपमा टहराहरु निर्माण गरी वन ऐन तथा प्रचलित कानून विपरित कार्य गरेको देखिएकोले सो सूचना प्रकाशित भएको आजको मितिवाट २४ घण्टा भित्र आ आफनो टहरा भत्काई लैजानको लागि जारी गरिएको छ ।

उक्त सुचनामा अनधिकृत रुपमा वन ऐन र कानून विपरित निर्माण गरेका छाप्रो टहराहरु भत्काई नलगेको खण्डमा नियन्त्रणमा लिई त्यस्ता छाप्रो टहराहरु भत्काई जफत र सो कार्यमा कसैले बाधा अवरोध गरेमा त्यस्ता व्यक्तिहरु कानून बमोजिम कार्यवाही गरिने व्यहोरा समेत सो सूचनाद्धारा सबैलाई जानकारी गराईन्छ भनी सरोकारवाला निकायलाई ब्यहोराको साथमा सुचना प्रवाह गरेको छ।