लेखक: सुवास श्रेष्ठ/काठमाडौ 

जेन्जी आन्दोलन हुँदै गर्दा देशमा भएका केही गतिविधिहरू अहिले आएर थप रहस्यमय र गम्भीर रूपमा सार्वजनिक हुँदै गएका छन्। हालै सामाजिक सञ्जालमा तीव्र गतिमा फैलिएको एउटा भिडियोले देशको सुरक्षा, राजनीतिक चेतना र सामाजिक संरचनालाई नै हल्लाइदिएको छ।

उक्त भिडियोमा “T.O.B” (Tibetan Original Blood) लेखिएको टिसर्ट लगाएका युवाहरू हातमा हतियार बोकेर देखिएका छन्। यो घटनाले सर्वसाधारणदेखि सुरक्षा निकायसम्म चिन्ता व्यक्त गर्न बाध्य बनाएको

“T.O.B” टिसर्ट लगाउने ती युवा जेन्जी आन्दोलनको अग्रपंक्तिमा देखिएका थिए। आन्दोलनको बेला यो विशेष पोशाक र त्यसमा लेखिएको सन्देशले धेरैको ध्यान तानेको थियो। तर प्रश्न उठेको छ — के यो सबै स्वतस्फूर्त थियो त? वा, कुनै दूरगामी रणनीतिको हिस्सा?

यो विषय त्यतिबेला थप सतहमा आयो जब पत्रकार दिवाकर साहले सार्वजनिक रूपमा प्रश्न उठाए:

“यी युवाहरूले जुन सन्देश प्रवाह गर्न खोजिरहेका छन्, जुन नारा लगाइरहेका थिए — त्यो स्वतन्त्रताको पक्षमा हो कि कुनै बाह्य शक्तिको निर्देशनमा?”

उनले थपे कि यस आन्दोलनमा अन्तर्राष्ट्रिय फन्डिङ र वैदेशिक हस्तक्षेप हुन सक्ने संकेतहरू गम्भीर रूपमा लिनु आवश्यक छ ।

बारबरा फाउन्डेसनलगायतका केही विदेशी संस्थाहरूबाट आएको आर्थिक सहयोगमार्फत सञ्चालनमा रहेका केही स्थानीय संस्थाहरूको संलग्नता पनि अब सतह घेरामा आउन थालेको छ।

यतिसम्म कि आन्दोलनपछि बनेको अंतरिम सरकारमा ती संस्थाका प्रतिनिधिहरूको प्रभाव देखिएको समेत सार्वजनिक हुँदैछ। यसले आन्दोलनलाई मात्र होइन, राजनीतिक सत्ता संरचना नै प्रभावित भएको हो कि? भन्ने शंका उत्पन्न गराएको छ।

कतिपय विश्लेषकहरूले “T.O.B” टिसर्ट लगाउने युवाहरूको तुलना इतिहास प्रसिद्ध “खम्पा” समूहसँग गरेका छन्, जसले तिब्बती स्वतन्त्रताको लागि सशस्त्र आन्दोलन गरेका थिए। नेपालको भुमी प्रयोग भएको हैन भनी गम्भीर विषयको उतथान पनि भएको छ।

अर्कोतर्फ, यी युवाहरू सामान्य बाइकर ग्रुपको हिस्सा मात्र भएको चर्चा पनि छ। तर हतियारसहित देखिनु, त्यो पनि आन्दोलनसँग जोडिएको सन्दर्भमा — विषय गम्भीर नबनाउने कुरै छैन।

सुरक्षा स्रोतहरूका अनुसार, हतियार प्रदर्शनमा संलग्न देखिएका ती युवाहरूको खोजी कार्य तीव्र रूपमा अघि बढिरहेको छ। यदि यो कुनै संगठित योजना वा बाह्य प्रेरित गतिविधिको हिस्सा ठहरियो भने, यसको असर राजनीति, कानुन र राष्ट्रिय सुरक्षामा गहिरो रूपमा पर्ने निश्चित छ।

यस घटनाले हालको सरकारको संरचना, सुरक्षा रणनीति र सामाजिक सन्तुलनमा ठूलो तरंग ल्याएको छ। स्वतन्त्रता र अभिव्यक्तिको अधिकार संविधानले सुनिश्चित गरे तापनि, त्यसको उत्तरदायित्वपूर्ण प्रयोग हुनु आवश्यक छ।यदि कुनै आन्दोलनको नाममा वैदेशिक स्वार्थ, हिंसात्मक संकेत वा सांस्कृतिक हस्तक्षेप देखिन्छ भने, त्यसले राष्ट्रियता, सार्वभौमिकता र लोकतान्त्रिक व्यवस्थामाथि नै गम्भीर प्रश्न खडा गर्छ।

नोट: यो समाचार विश्लेषण तथ्यमा आधारित रिपोर्टिङ र सार्वजनिक रूपमा उपलब्ध सूचनाहरूको अध्ययनको आधारमा तयार पारिएको हो