काठमाडौं, कात्तिक ७ —शिक्षामन्त्री महाबिर पुनले सामाजिक सञ्जालमा एक भिडियो शेयर गर्दै व्यवसायी दुर्गा प्रसाईंद्वारा डा. सन्दुक रुइतविरुद्ध फैलाइएका भ्रम र आरोपप्रति कडा आपत्ति जनाएका छन्। उनले बिना प्रमाण स्वच्छ छविका व्यक्तिमाथि दोषारोपण गर्नु गलत भएको बताएका छन्।

भिडियो शेयर गर्दै मन्त्री पुनले लेखेका छन् —

“दुर्गा भाई, यसरी नै मच्चिदै सयौं मनगढन्त दोषहरू विना ठोस प्रमाण स्वच्छ व्यक्तिहरूलाई लगायौ भने समयान्तरमा घाटा अरूलाई होइन, तिमीलाई नै हुनेछ। डा. सन्दुक रुइत जस्ता विश्वप्रसिद्ध आँखाका डाक्टर र समाजसेवी व्यक्तिलाई बदनाम गर्ने यो दुर्गा भाईलाई सबैले राम्रोसँग चिन्नुहोस्।”

पुनले सामाजिक सञ्जालमा फैलिने गलत सूचनाले समाजमा नकारात्मक प्रभाव पार्ने चेतावनी दिँदै सबैलाई जिम्मेवार बन्न आग्रह गरेका छन्। उनका अनुसार,

“डा. सन्दुक रुइतजस्ता सेवाभावी चिकित्सकलाई बदनाम गर्नु देशकै प्रतिष्ठा माथिको आक्रमण हो।”

डा. सन्दुक रुइत विश्वप्रसिद्ध नेत्र चिकित्सक हुन्, जसले हजारौं विपन्न बिरामीलाई निःशुल्क उपचार गर्दै नेपाललाई अन्तर्राष्ट्रिय स्तरमा चिनाएका छन्।

शिक्षामन्त्री पुनको उक्त भिडियो सन्देश अहिले सामाजिक सञ्जालमा तीव्र रूपमा भाइरल भइरहेको छ। धेरैले उनलाई सत्य र सद्भावको पक्षमा खुलेर बोल्नुभएको भन्दै समर्थन जनाएका छन्।

🔗 भिडियो हेर्न यहाँ क्लिक गर्नुहोस्: facebook.com/share/p/16CfRmyiUM/