काठमाडौँ, २५ असार — नेपाल स्टक एक्सचेञ्ज (नेप्से) परिसूचकमा आज दोहोरो अङ्कको उत्साहजनक वृद्धि देखिएको छ। आज नेप्से परिसूचक २२.०४ अंकले बढेर २,७०५.९० विन्दुमा पुगेर कारोबार समाप्त भएको हो।
नेप्सेले सार्वजनिक गरेको विवरण अनुसार, आज ३१६ कम्पनीको कुल १ करोड ५८ लाख २२ हजार ९७० कित्ता सेयर ६२ हजार ८८४ पटक खरिदबिक्री हुँदा कुल कारोबार रकम ७ अर्ब ४५ करोड १८ लाख ७७ हजार १०२ रुपैयाँ पुगेको छ।
आजको कारोबारमा अधिकांश उपसूचक हरियालीमा देखिएका छन्। वित्त समूह ०.३८% र म्युचुअल फण्ड समूह ०.०१% ले घटेको भए पनि बाँकी सबै समूहमा सकारात्मक वृद्धि देखिएको छ।
सबैभन्दा बढी बैंकिङ समूह १.६८% र लगानी समूह १.३७% ले उकालो लागेका छन्। अन्य समूहको अवस्था यसप्रकार छ:
- विकास बैंक ०.३४%
- होटल तथा पर्यटन ०.२८%
- जलविद्युत् ०.५४%
- जीवन बिमा ०.२४%
- उत्पादन तथा प्रशोधन ०.९५%
- लघुवित्त ०.८५%
- निर्जीवन बिमा ०.२४%
- व्यापार ०.३४%
- अन्य समूह ०.३०%
कम्पनीगत रुपमा हेर्दा, बरुण हाइड्रोपावर कम्पनी लिमिटेड को सेयर मूल्यमा आज सबैभन्दा धेरै, ६.२१% को वृद्धि भएको छ। त्यसैगरी, सबैभन्दा बढी मूल्य घट्ने कम्पनीमा ग्रीन डेभलपमेन्ट बैंक लिमिटेड परेको छ, जसको सेयर मूल्य ४.४१% ले घटेको हो।
लगानीकर्तामा पुनः विश्वास फर्किएको देखिएको छ भने बजारमा हरियाली आउने क्रमले सकारात्मक संकेत दिएको छ। बजार विश्लेषकहरूका अनुसार स्थिर राजनीतिक वातावरण र लगानीकर्ताको मनोबलमा आएको सुधारले सेयर बजारमा चहलपहल बढेको हो।
प्रतिक्रिया
सम्बन्धित खवर
