काठमाडौं, कात्तिक २ —
लेखक महेश दवाडीको लेखनमा तयार भएको नयाँ नेपाली फिल्म सार्वजनिक पोष्टरसँगै चर्चा बटुल्न सफल भएको छ। फिल्मको कथा र निर्देशन लक्ष्मण सुनारले गरेका हुन्।

सार्वजनिक पोष्टरमा नायक नाजिर हुसेन र नायिका वर्षा राउतको काखमा बाल कलाकार मञ्जिला बानियाँलाई देखाइएको छ। त्यस दृश्यले फिल्मको भावनात्मक पक्षलाई झल्काउँछ भने अर्को पोष्टरमा कलाकार सुलक्षण भारतीलाई भिन्न र रहस्यमयी गेटअपमा देख्न सकिन्छ। तेस्रो पोष्टरमा भने नायक सौगात मल्ललाई प्रस्तुत गरिएको छ, जसले दर्शकमा फिल्मको कथा र पात्रप्रति अझै उत्सुकता बढाएको छ।

फिल्ममा उत्तम प्रधान, सौगात मल्ल, अर्पण थापा, बेनिशा हमाल, सुलक्षण भारती, वर्षा राउत, बेगम नेपाली, बिनोद न्यौपाने, रेयर राई, प्रियना आचार्य, अर्जुन गुरुङ, सन्जोक राणा, गीता अधिकारी, कुल बहादुर अधिकारी, सरस्वती खत्री र श्याम मगरको मुख्य भूमिका छ।त्यसैगरी, उपेश ढकाल, मञ्जिला बानियाँ र समर्पण खतिवडा बाल कलाकारका रूपमा देखिनेछन्।

फिल्ममा  आशिष अविरल, सरित राई र केतन क्षेत्रीको संगीत रहेको छ भने  एन.भी. महर्जनको एक्सन र निसाल पौडेलको छायांकन रहेको छ। राकेश दाहालले फिल्मका पोष्टर डिजाइन गरेका हुन्। लेकाली इन्टरटेन्मेन्ट प्रा.लि र कस्तुरी प्रोडक्सनको संयुक्त प्रस्तुतीमा फिल्म तयार भएको हो।

पोष्टर सार्वजनिक भएसँगै सामाजिक सञ्जालमा धेरैले फिल्मको पात्र, कथावस्तु र प्रस्तुतीको प्रशंसा गरेका छन्। दर्शकहरूले लेखेका छन्, “पोस्टर नै यति दमदार छ भने फिल्म कस्तो होला!”